सुनसरी- ‘क्यान्सर पीडित धनराज राईलाई बचाउन सहयोगको लागि याचना’ शीर्षकको समाचार २६ माघमा नेपाली हेडलाइनमा प्रकाशित भएपछि बिरामीलाई धमाधम सहयोगको बाटो खुलिरहेको छ।

बराहक्षेत्र-३ मिलन चोकका युवा पवन कार्कीलगायत देश–विदेशमा रहेका नेपालीको उक्त समाचारले ध्यानाकर्षण भएको छ।

भोजपुरको हतुवागडी गाउँपालिका-३ सिन्द्राङमा जन्मेर सुनसरी बराहक्षेत्र-३ इक्राही बस्दै आएका ४६ वर्षीय धनराज राई पेटको क्यान्सरबाट पीडित छन्। उनको उपचारमा आर्थिक समस्या भएपछि सहयोगका लागि याचना गरेका थिए।

समाचार पढेपछि सहयोगी मनकारी दाताहरू

(१) बराहक्षेत्र-३ इक्राई निवासी हाल बहराइन हरि कटुवालबाट उनकी आमा कमला कटुवालमार्फत १०,०००
(२) बराहक्षेत्र-३ इक्राई निसासी हाल मलेसिया मनोज र मनिसा राईबाट १०,०००
बराहक्षेत्र-३ इक्राई इमानध्वज राईबाट १०५०
(३) कमला राई धरान १०००

उनीहरूले नेपाली हेडलाइनमा समाचार प्रकाशित भएपछि सहयोग उपलब्ध गराएका हुन्।

बराहक्षेत्र–३ मिलन चोकका पवन कार्कीले समचार सेयर गर्दै लेखेका छन् ‘अग्रज पत्रकार हिमाल राई ज्युको दुखःद समाचार पढेपछि क्यान्सर पीडित आदरणीय दाइ धनराज राईको औषधि उपचारमा थप टेवा पुगोस् भन्ने मनसायले आफू पनि बाँचौं अरूलाई पनि बचाऊँ र सभ्य समाजको निर्माण गरौं’ भन्ने उद्देश्य राखी आर्थिक सहयोगको प्रतिबद्धता जनाउँदै सहयोगी मनहरूले आ-आफ्नो पेशा, क्षेत्र, ठाउँबाट क्यान्सर पीडित धनराज राईलाई बचाउन सक्दो सहयोग गरौं।’

आर्थिक सहयोग पाएसँगै बीपी कोइराला स्वास्थ्य विज्ञान प्रतिष्ठान धरानमा श्रीमानलाई किमो चढाउन सहयोग पुगेको धनराजकी श्रीमती मञ्जुले बताइन्।

धनराजको परिवार बसिरहेको घरजग्गा पनि ऐलानी हो। उनीहरू आर्थिक रूपमा विपन्न र सुकुम्बासी परिवार पनि हुन्। श्रीमानको थप उपचार गर्न ६-७ लाख रुपैयाँसम्म लाग्ने हुँदा घरको आर्थिक अवस्था दयनीय र जर्जर र श्रीमान नै क्यान्सर पीडित भई थला परेपछि उनकी श्रीमती मञ्जु समस्यामा छिन्।

देश–विदेशमा रहेका मनकारी, दयालु व्यक्तिहरूबाट श्रीमान धनराजको जीवन रक्षा र उपचारमा सहयोग आफ्नो गच्छेअनुसार सकेजति आर्थिक गरिदिन मञ्जुले आग्रह गरेकी छन्।

छिमेकी हाल मलेसिया (विदेश) रहेका चिंन्तामणि राईले पनि क्यान्सर पीडित राईलाई बचाउन तथा उपचारका लागि विदेशमा रहेका नेपालीहरूसँग आर्थिक सहयोग जुटाइरहेका छन्।

आर्थिक सहयोग गर्न चाहनेहरूका लागि सम्पर्क नम्बर

धनराज राई (क्यान्सर पीडित)
९८००९५९०२४
९७४९९१४४९३
९८२४३३६४२४

बैंक खाता नम्बर

प्राइम बैंक
४५००६९१ पीएस