सुनसरी- सरोबर बचत तथा ऋण सहकारी संस्था लि. बराहक्षेत्र वडा नं २ जागृति चोकको छैटौं वार्षिक साधारणसभा आज आइतबार बोलबम धर्मशाला चतरामा सम्पन्न भयो।
प्रदेश-१ का सभासद ममता तामाङले पानसमा बत्ती बालेर उदघाटन गरेकी थिइन्।
वडा नम्बर २ का निवर्तमान अध्यक्ष हरिकृष्ण भट्टराई र ज्ञानबहादुर पाण्डेले शुभकामना मन्तव्य राखेका थिए। सभामा अध्यक्ष रोशन श्रेष्ठले वार्षिक प्रतिवेदन प्रस्तुत गरेका थिए।
२०७३ देखि सञ्चालनमा आएको संस्थाको १९ लाख १६ हजार ५५ रुपैया १० पैसा बैंक मौज्दात छ।
सो अवसरमा संस्थाले स्थानीय पत्रकार हिमाल राईलाई नगद, दोसल्ला तथा सम्मान पत्र प्रदान गरी सम्मानित गरेको छ। असल बचतकर्ताबाट सम्मानित हुनेहरूमा रामेश्वरी राई, बनमाया राई, अस्मिता भट्टराई, दिलबहादुर कार्की, गोमा श्रेष्ठ, फुलमति लुवार छन्।
यस्तै, असल कर्जाबाट सम्मानित हुनेहरूमा राजगोपाल श्रेष्ठ, कोमलबहादुर राई, हर्कमाया खत्री, फुलकुमारी रमजेल, छत्रमाया श्रेष्ठ, खेमराज न्यौपाने एकल वृद्ध विष्णुमाया काफ्ले, पवित्रामाया कार्की, चन्द्रमाया मगर, बुद्धमाया ठकुरी, सरस्वती प्याकुरेल, चिनीमाया दर्जी छन्।
पुरानो कार्य समिति विघटन भई नयाँ कार्य समितिमा मनोनित हुनेहरूमा अध्यक्ष यादव गौतम, रिता गौतम, गीता निरौला (प्याकुरेल), सानुमाया कार्की, डिकबहादुर श्रेष्ठ र पवित्रा राई छन्। सल्लाहकारमा प्रल्हाद भट्टराई, ज्ञानबहादुर पाण्डे मनोनित भएका छन्।