सुनसरी- बराहक्षेत्र नगरपालिकाको ११ औं नगर सभाको अवसरमा नगरका राष्ट्रिय फुटबल खेलाडीहरूलाई सम्मान गरिएको छ।

शनिबार सम्पन्न भएको ११ औं नगर सभाका अवसरमा फुटबलको माध्यमबाट बराहक्षेत्र नगरपालिकालाई राष्ट्रिय-अन्तर्राष्ट्रिय स्तरमा चिनाउन सफल खेलाडीहरूलाई सम्मान गरिएको हो।

बराहक्षेत्रमै जन्मे-हुर्केर राष्ट्रिय खेलाडी बनेका उनीहरूलाई पाँच हजार रुपैयाँ नगद र सम्मान पत्र प्रदान गरिएको छ।

सम्मानित हुनेहरूमा बराहक्षेत्र-५ मा टंक बस्नेत, अमर श्रेष्ठ (यू-२०), बराहक्षेत्र-२ की महिला फुटबल खेलाडी मनिषा बिष्ट (यू-१५), पवित्रा राई (यू-१४), मुना मगर (यू-१५) छन्।

उनीहरूलाई नगर प्रमुख रमेश कार्कीले नगदसहित सम्मान पत्र प्रदान गरेका हुन्।