सुनसरी- बराहक्षेत्र नगरपालिका-५ सिमरबन बस्ने धनबहादुर माझीको ज‌ंगली हात्तीको आक्रमणबाट आज मृत्यु भएको छ।

जनजागृती सामुदायिक वनमा घाँस काट्न गएको अवस्थामा जंगली हात्तीको आक्रमणमा परी ६५ वर्षीय माझीको मृत्यु भएको हो।

बिहान करिब १० बजे उनलाई हात्तीले आक्रमण गरेको कालाबन्जर प्रहरी चौकीका हवल्दार गणेश ढुंगानाले जानकारी दिए। बराहक्षेत्र–५ का वडाध्यक्ष रोहित काफ्लेका अनुसार मृतकको शव पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको छ।

यसअघि ८ पुसमा बराहक्षेत्र नगरपालिका-२ रेल्वेलाइनमा एउटा जंगली हात्ती मृत फेला परेको सेक्टर वन कार्यालय चतरा रेन्जर सिसुराज झा जानकारी थियो। उनका अनुसार त्यसयता आसपासका बस्ती र जंगलमा हात्तीको उपद्रो बढेको छ।

त्यसयता बथानमा आएका जंगली हात्तीले बराहक्षेत्रमा आतंक मच्चाउँदै आएका छन्।