चतरा- सुनसरी-मोरङ सिँचाइ आयोजना नहरमा डुबेर एकजनाको मृत्यु भएको छ।

बराहक्षेत्र नगरपालिका-७ मा वीरबहादुर थापाको मृत्यु भएको हो।

४० वर्षीय थापाको सोमबार १२ बजे बत्तीस आरडीमा नहरमा डुबेर मृत्य भएको हो।

इलाका प्रहरी कार्यालय चक्रघट्टीका अनुसार नहरमा डुबेर बेपत्ता उनको शव शेरचोक नजिक फेला परेको हो।

बराहक्षेत्र नगर प्रमुख रमेश कार्कीसहित नेपाल प्रहरी, शस्त्र प्रहरी, नगर प्रहरी तथा स्थानीय बासिन्दाले उनको खोजी गरेका थिए। उनको शव पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको छ।