सुनसरी- उपराष्ट्रपति नन्दकिशोर पुन (पासङ) ले जिल्लामा प्रसिद्ध तीर्थस्थल बराहक्षेत्र मन्दिरको दर्शन एवम् अवलोकन गरेका छन् ।

उपराष्ट्रपति पुन आज कोका र सप्तकोशी नदीको संगम स्थलमा पुगेर पूजा गर्नुका साथै त्यहाँको पवित्र जलले हिन्दूहरुको पवित्र तीर्थस्थल बराहक्षेत्रमा पुजा तथा दर्शन गरेको मन्दिर पुजारी किरण भण्डारीले बताए ।

पुनको बराहक्षेत्र मन्दिर आउने कुनै पनि अनौपचारिक कार्यक्रम भने थिएन । पूर्व आएको समयमा बराहक्षेत्रका मन्दिर दर्शन गर्ने मनसाय व्यक्त गरेकाले सुरक्षा निकायसँग समन्वय गरी दर्शन र अवलोकन गरिएको माओवादी बराहक्षेत्र नगर अध्यक्ष कमल कटुवालले जानकारी दिए ।

उपराष्ट्रपति पुन आजै काठमाडौं फर्किने छन्।