काठमाडौँ । सुनसरी १ मा एमालेको समर्थन पाएका जनता समाजवादी पार्टी (जसपा)का उम्मेद्वार अशोककुमार विजयी भएका छन् । उनले एक दशकअघि एमाले छाडेका थिए ।

राईले १७ हजार ५९ मत पाउँदै विजयी भएका हुन् । उनका निकटतम प्रतिद्वन्द्वी राष्ट्रिय स्वतन्त्र पार्टीकी उम्मेदवार गोमा तामाङ (सरिन)ले १६ हजार ६०६ मत पाइन् । राई र तामाङले पाएको मतान्तर ४५३ मात्र रहेको छ ।

गठबन्धनबाट माओवादी केन्द्रका उम्मेदवार मुक्सामहाङ मेन्याङ्बोले १३ हजार ८७, मनोनयन गर्नु एकदिन अघिसम्म कांग्रेसका सक्रिय कार्यकर्ता रहे पनि टिकट नपाएपछि राप्रपाका उम्मेद्वार भएका अशोक राई (अविरल)ले सात हजार ८८४, एमालेबाट विद्रोह गरेर स्वतन्त्र उम्मेद्वारी दिएका मनोजकुमार मेन्याङ्बोले सात हजार ८१२, मेयर हर्क साम्पाङको टिम भनिएका तर्कबहादुर मगरले तीन हजार ८१८ पाए ।