काठमाडौँ । सत्ता गठबन्धन दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’की पत्नी सीता दाहाल अस्पताल भर्ना भएकी छन् ।

दाहालको स्वास्थ्य अवस्था पुनः जटिल भएसँगै ललितपुरको मेडिसिटी अस्पतालमा भर्ना गरिएको हो । अहिले उनलाई भेन्टिलेटरमा राखिएको छ ।

उनी पार्किन्सन जस्तो देखिने एक प्रकारको जटिल रोगबाट पीडित हुँदै आएकी छन् । यसअघि पनि उनलाई पटक–पटक देश तथा विदेशमा उपचार गराउँदै आएको थियो ।

छोरी गंगा दाहालले सामाजिक सञ्जालमार्फत आमा सीताको शीघ्र स्वास्थ्य लाभको कामना गरेकी छन् ।