काठमाडौँ । शताब्दी पुरुष सत्यमोहन जोशीको अन्तिम दाहसंस्कार नहुने भएको छ । ललितपुरको इमाडोलस्थित किष्ट अस्पतालमा उपचारको क्रममा निधन भएका उनको दाहसंस्कार नगरिने भएको हो ।

आज बिहान निधन भएको जोशीको शवलाई अस्पतालको प्रांगणमा श्रद्धाञ्जलीका लागि भने राखिने भएको छ । जोशीले मृत्युअघि नै शरीर दान गरेकाले उनको दाहसंस्कार नगरिने भएको हो ।

जोशीको शव अस्पताललाई अध्ययनका लागि हस्तान्तरण गरिने भएको छ । जोशीले यसअघि आफ्नो शरीर किष्ट अस्पताललाई दान गरिसकेकाले परिवारका सदस्यले दाहसंस्कार नगर्न तयार भएको अस्पतालले जनाएको हो ।