काठमाडौँ । काठमाडौँ महानगर २७ वीर अस्पतालअगाडि मोटरसाइकलको ठक्करबाट एक जना पैदलयात्री घाइते भएकी छन् ।

घाइते हुनेमा रामेछाप घर भई हाल भोटेबहाल बस्ने ७५ वर्षीया राज कुमारी नगरकोटी रहेकी छन् । उनको राष्ट्रिय ट्रमा सेन्टरमा उपचार भइरहेको छ । आज बिहान पौने ७ बजे बा ३० प ९५३७ नम्बरको मोटरसाइकलले नगरकोटीलाई ठक्कर दिएको हो ।

मोटरसाइकल र चालक नियन्त्रणमा रहेको काठमाडौँ उपत्यका ट्राफिक प्रहरी कार्यालयले जनाएको छ ।