काठमाडौँ । काठमाडौँ महानगरभित्र बनेको अनधिकृत संरचना हटाउन आज मेयर बालेन शाहको टोली शंखमुल र बानेश्वरमा पुगेका छन् ।

मेयर बालेनसहित डीआईजी मिरा चौधरी शंखमुल क्षेत्रमा पुगका छन् । अवलोकनअगाडि काठमाडौँ १० नम्बर वडा कार्यालयमा वडाका जनप्रतिनिधिसहित छलफल गरेर अनाधिकृत संरचना बनाएको ठाउँमा मेयरसहितको टोली पुगेको हो ।

यस क्रममा एक बर्गर हाउसका सञ्चालक र घरधनीले बालेनसँग भूमिगत पार्किङ खाली गराउने बताए । केही दिनदेखि महानगरले अवैध संरचना हटाउने अभियान थालेको छ । आजै बानेश्वरको अल्फाबिटा भवनमा समेत बालेनले अनुगमन गर्ने भएका छन् ।