काठमाडौं- खासगरी, सार्वजनिक विदाका दिन परिवार एकसाथ घरमा हुँदा नयाँ-नयाँ परिकार बनाएर खाने रहर हुन्छ। विदाको सदुपयोग कसैले रेस्टुराँ पुगेर विभिन्न परिकारको स्वाद लिँदै गर्छन् भने कतिपयले घरमै त्यस्ता परिकारको स्वाद लिन मन पराउँछन्।
घरमै बनाउन सकिने एक परिकार हो, किमा नुडल्स पनि। यो घरमै सहजै बनाउन सकिने एक खानाको परिकार हो। यसलाई बनाउन निम्न कुरामा ध्यान दिन सकिन्छ।
आवश्यक सामग्री
(१) फ्रेस फ्ल्याट नुडल्स
(२) चाइनिज सोया सस
(३) स्पाइसी टिबेटन सस
(४) चाइनिज साग पक्चा
(५) लसुनको पत्ता
(६) स्प्रिङ ओनियन
(७) धनियाको पात
(८) बफ किमा
बनाउने तरिका
नुडल्सलाई चाइनिज सागसँगै उमाल्ने। त्यसपछि बफ किमा भुटेर तार्ने। अनि सोया सस प्लेटमा हाल्ने।
त्यसमाथिबाट नुडल्स र किमा हाल्ने। त्यसपछि लसुनको पत्ता, हरियो प्याज, धनियाँको पात हाल्ने।
आफ्नो इच्छाअनुसार खुर्सानी हालेर मिक्स गर्ने। अनि खान शुरु गर्ने। यो एकदम मिठो अनि स्वस्थ खाजा हो।
(लेखक सेफ्स बर्गर नेपालका सञ्चालक तथा हेड कुक हुन्)