काठमाडौँ । प्रतिनिधिसभाका १५ जना सांसदहरू पहिल्लो १० वटा बैठकमा अनुपस्थित भएका छन् । जसमध्ये धेरै सांसदहरू अमेरिका पुगेका छन् ।
यस्तै, केही सांसद उपचारका लागि भारतमा पुगेका छन् भने केही घरयासी कामका कारण अनुपस्थित भएका हुन् । बिहीबारको बैठकमा सभामुख अग्निप्रसाद सापकोटाले उनीहरूले लगातार १० वटा बैठकमा अनुपस्थित भएको जानकारी गराएका थिए ।
जसमा प्रतिनिधिसभाका सदस्यमाा भिमसेनदास प्रधान छोरीको उपचारमा नेपाल बाहिर, प्रदीप गिरि आफै बिरामी, कुमारी तुल्सी थापा अमेरिका भ्रमणमा, गंगा चौधरी स्वास्थ्य उपचारका लागि भारतमा रहेका छन् ।
यस्तै धर्मशिला चापागाई घरायसी काममा व्यस्त, रघुवीर महासेठ श्रीमतीको उपचारका लागि अमेरिकामा, जुलीकुमारी महतो उपचारका लागि अमेरिकामा, शान्ता चौधरी कार्यक्रममा सहभागी हुन अमेरिकामा, कर्मा घले उपचारका लागि भारतमा, सुरेशचन्द्र दास आफै अस्वस्त, शिवकुमार मण्डल पनि अस्वस्त भएको सभामुख सापकोटाले बताए ।
यसैगरी निर्जला राउत आफै अस्वस्त, नवराज रावत निजी कामका लागि अमेरिकामा, विनोदकुमार चौधरी व्यवसायिक कामका लागि नेपाल बाहिर, र नागेन्द्र कुमार बिरामी, घरायसी काम र निर्वाचन क्षेत्रमा गएका छन् ।