काठमाडौँ । सरकारले सबै कर्मचारीको नयाँ तलबमान र ग्रेड स्वीकृत गरेको छ । जसअनुसार यो महिनादेखि कर्मचारीको तलब वृद्धि भएको छ ।

साउन २६ गते बसेको मन्त्रिपरिषद बैठकको निर्णयअनुसार सबै तहका निजामती कर्मचारी, नेपाली सेना, नेपाल प्रहरी, सशस्त्र प्रहरी बल, नेपाल स्वास्थ्य सेवा, संसद सेवा, सामुदायिक विद्यालयमा कार्यरत शिक्षकको नयाँ तलबमान एवम् ग्रेड स्वीकृत भएको हो ।

सरकारले चालू आर्थिक वर्ष २०७९–८० को बजेट वक्तव्यमा साउन १ गतेदेखि लागू हुने गरी सबै सरकारी कर्मचारीको तलब १५ प्रतिशतले वृद्धि गर्ने घोषणा गरेको थियो । तर तलबमान समान नभएको भन्दै नायब सुब्बा तहका कर्मचारीले आन्दोलन गर्दै आएको छ ।