काठमाडौँ । सिंहदरबार भित्रकै कर्मचारीले आन्दोलनमा उत्रिएका छन् । संघीय निजामती सेवा ऐनमा आफूहरूले उठाउँदै आएका मागलाई सम्बोधन गर्नु पर्ने माग राख्दै सोमबार कर्मचारीले प्रदर्शन गरेका हुन् ।

कर्मचारीले संघ, प्रदेश र स्थानीय तहमा एक रूपता कायम गर्न तहगत व्यवस्था राख्नु पर्ने पनि माग गदै संघीय मामिला तथा सामान्य प्रशासन मन्त्रालय घेराउ गरेका छन् ।

सेवाको सुरक्षा, पेशागत हित र वृत्ति विकासका विषयलाई ध्यान नदिइएकोले सरकारको ध्यानाकर्षण गराउन प्रदर्शन गरिएको नेपाल निजामती कर्मचारी युनियनका केन्द्रीय सचिव प्रकाश भट्टराईले जानकारी दिए ।