काठमाडौँ । भारतको गुजरातको बोटाड जिल्लामा लोकल रक्सी सेवनबाट २४ जनाको मृत्यु भएको छ ।

भारतीय सञ्चार माध्यमका अनुसार उक्त रक्सी सेवन गर्दा ४० जनाभन्दा बढी अस्पतालमा भर्ना भएका छन् ।

बिरामीलाई उपचारका लागि भावनगर, बोटाड र अहमदाबाद अस्पतालमा पठाइएको समाचारमा जनाइएको छ । अहिलेसम्म रक्सी बनाउने र बेच्नेसहित पाँच जनालाई पक्राउ गरेको छ ।

यसका साथै प्रहरीले थप अनुसन्धान गरिरहेको भारतीय सञ्चार माध्यमले जनाएको छ ।