काठमाडौँ । द्रौपदी मुर्मूले भारतको १५ औँ राष्ट्रपतिको पदका लागि सपथ लिएकी छन् । उनलाई सुप्रिम कोर्टका प्रधानन्यायाधीश एनवी रमन्नाले सपथ दिलाएका हुन् ।

द्रौपदी भारतको दोस्रो महिला र पहिलो आदिवासी राष्ट्रपति हुन् । राष्ट्रपतिमा निर्वाचित हुनुअघि उनी झारखण्ड राज्यको राज्यपाल र ओडिसामा मन्त्री थिइन् ।

विपक्षी दलले द्रौपदीविरूद्ध यशवन्त सिन्हालाई राष्ट्रपतिको उम्मेदवार बनाएको थियो । सिन्हा भारतीय जनता पार्टीका नेता अटल बिहारी वाजपेयी नेतृत्वको सरकारमा वित्त मन्त्री थिए ।

द्रौपदीले कूल वैधको ६४ प्रतिशत मत प्राप्त गरेकी थिइन् । मत गणना २१ जुलाईमा सम्पन्न भएको थियो ।