काठमाडौँ । प्रहरीमाथि हातपात गरी अभद्र व्यवहार गरेको आरोपमा दुई जनालाई पक्राउ गरिएको छ ।

पक्राउ पर्नेमा सूर्यविनायक नगरपालिका १ सिरूटार बस्ने ३६ वर्षीय प्रविण तखाछेँ श्रेष्ठसहित दुई जना रहेका छन् । उनीहरूलाई शनिबार राति प्रहरीले पक्राउ गरेको हो ।

बा ८३ प ७७६३ नम्बरको मोटरसाइकलमा मादक पदार्थ सेवन गरी सवार उनीहरूलाई सूर्यविनायक नगरपालिका १ सिरूटार धन्सारचोकमा ड्युटीमा खटिएको प्रहरीले जाँच गर्ने क्रममा प्रहरीमाथि हातपात गरेपछि नियन्त्रणमा लिएको हो । घटनाबारे अनुसन्धान भइरहेको प्रहरीले जनाएको छ ।