नयाँदिल्ली- भारत हरियाणामा प्रहरीका एक डीएसपीको माफिया समूहले हत्या गरेको छ।

हरियाणाको मेवात जिल्लास्थित तावडूका डीएसपी सुरेन्द्र सिंहको डम्परले कुल्चेर त्यसका चालकले हत्या गरेका हुन्। स्थानीय सञ्चार माध्यमका अनुसार उनी डम्बर चालकहरूका कागजात जाँच गरिरहेका थिए। र, अरावली पहाडी क्षेत्रस्थित अवैध उत्खनन भइरहेको इलाकामा छापा मार्न गएका थिए।

मंगलबार बिहान करिब १२ बजे उनी दुई प्रहरी, आफ्ना चालक र एक बन्दुकधारीसहित त्यस इलाकामा पुगेका थिए। उनले संदिग्ध गतिविधि गरिरहेका डम्पर चालकलाई गाडी रोक्न आदेश दिए। चालकसँग कागजात माग्दै गर्दा उसले डीएसपी सिंहलाई डम्परको चक्काले कुल्चिदिए।

अस्पताल पुर्‍याइएका उनलाई चिकित्सकले मृत घोषित गरेका थिए। डीएसपी सिंह सन् १९९४ मा एएसआई तहमा भर्ना भएका थिए। सेवाबाट अवकाश पाउनु चार महिनाअघि उनको हत्या भएको हो।