काठमाडौँ । नेकपा एकता राष्ट्रिय अभियानको संयोजकबाट वामदेव गौतमलाई हटाएर संयोजक बनेका युवराज सफलले सचिवालय बैठकमार्फत तीन वटा निर्णय गरेका छन् । शनिबार बसेको अभियानको सचिवालय बैठकले ४ वटा निर्णय गरेको हो ।
सफलको अध्यक्षमा बसेको बैठकले राष्ट्रिय पुनर्जागरण पार्टी, नेपाल समावेशी पार्टी र कम्युनिष्ट एकताको लागि राष्ट्रिय अभियानलाई नेकपा एकता राष्ट्रिय अभियानमा आबद्धता गराउने निर्णय गरेको छ ।
यस्तै, अन्य समूहसँग वार्ता गर्न युवराज सफलको अध्यक्षतामा ५ सदस्य रहेको वार्ता तथा एकीकरण विभाग गठन, नीलकण्ठ पौडेलको संयोजकत्वमा ३ सदस्यीय वार्ता टोली गठन र एकता प्रकृयामा सामेल भएका राजनीतक दल तथा समूहबाट क्रमशः डिबी थापा राष्ट्रिय पुनर्जागरण पार्टीबाट, मोतीलाल भारती नेपाल समावेशी पार्टीबाट र राधाकृष्ण पाण्डे मुक्ति कम्युनिष्ट एकताको लागि राष्ट्रिय अभियानबाट सचिवालय सदस्यमा चयन गर्ने निर्णय पनि गरिएको छ ।
वामदेवलाई हटाएर युवराज सफललाई संयोजक तोकेको भोलिपल्टै वामदेवले युवराज सफलसहित पाँच जनालाई निष्कासन गरेका थिए ।
