काठमाडौं- न्याय परिषदले उच्च अदालतकी न्यायाधीश रेणुका साहलाई अयोग्य बताउँदै बर्खास्त गरेको छ।

उच्च अदालत तुलसीपुरको बुटवल इजलासमा न्यायाधीश रहेकी साहको न्यायाधीश बन्न योग्यता नपुगेको परिषदले बताएको छ।

परिषदका प्रवक्ता मानबहादुर कार्कीका अनुसार शुक्रबार बसेको परिषद बैठकले उनलाई बर्खास्त गरेको हो। उनी पूर्वप्रधानन्यायाधीश रामकुमार प्रसाद साहकी छोरी हुन्।

निरन्तर वकालत गरेको १० वर्ष नपुगेको पुष्टि भएपछि उनलाई परिषदले बर्खास्त गरेको हो। उच्च अदालतमा न्यायाधीश बन्न १० वर्ष निरन्तर कानून व्यवसायमा संलग्न रहेको हुनुपर्ने प्रावधान छ। सीटीईभीटीमा कार्यरत साहलाई ०७५ सालमा न्यायाधीश नियुक्त गरिएको थियो।