नयाँदिल्ली- आम आदमी पार्टी (आप)को सरकारले भारत दिल्लीका सांसदहरूको तलब बढाएको छ।

मुख्यमन्त्री अरविन्द केजरीवालको सरकारले विधानसभा सदस्यहरूको तलब बढाएको हो। सरकारको प्रस्तावलाई सोमबार विधानसभाले पारित गरेको छ।

दिल्ली सरकारका मन्त्री कैलाश गलहोतका अनुसार विधानसभाले मन्त्रीहरू, विधायक, प्रमुख सचेतक, सभामुख, उपसभामुख र विपक्षी दलका नेताको तलब वृद्धिसम्बन्धी सरकारको प्रस्ताव सोमबार पारित गरेको छ। राष्ट्रपतिबाट सहमति प्राप्त भएपछि उक्त विधेयक लागू हुने गलहोतले बताए।

दिल्ली विधानसभाको दुई दिनको विशेष सत्र सोमबार शुरु भएको छ। पहिलो दिन मन्त्री गलहोतले तलब, भत्ता र पेन्सनसम्बन्धी विधेयक प्रस्तुत गरेका थिए। पारित विधेयकअनुसार सांसदहरूको तलब बढेर ५४ हजारबाट ९० हजार भारतीय रुपैयाँ पुगेको छ।