काठमाडौँ । लगातार परिरहेको वर्षाका कारण पोखरा महानगर ४ मा सडक भासिएको छ । सडकसँगै घर पनि भासिएको छ ।

फिर्केखोला नजिकैको बाटो करिब १५ मिटर गहिरो बनेर भासिएको हो । वडाध्यक्ष देवीकृष्ण पराजुलीले सडक वारिपारि गरेर पूर्ण रुपमा भासिएको बताए ।

यस्तै घरको भित्री कोठा पनि भासिएको छ । ‘घरको बाहिरी भाग केही भएको छैन्, तर भित्री कोठा भासिएर छ,’ उनले भने ।

सामान्य वर्षामा समेत पोखराका विभिन्न ठाउँ भासिँदै आएको छ ।