काठमाडौं- मलेसियामा जारी एसीसी महिला टी-२० च्याम्पियनसिपको सेमिफाइनलमा यूएईले नेपाल सामु ८१ रनको लक्ष्य खडा गरेको छ।

अस्मिना कर्माचार्यले शानदार पाँच विकेट लिएपछि नेपालले एक बल बाँकी छँदै यूएईलाई ८० रनमा अलआउट गरेको छ।

अस्मिनाले ३.५ ओभरमा १० रन खर्चेर यूएईको पाँच विकेट लिइन्। इन्दु बर्माले चार ओभरमा १६ रन खर्चिँदै ती र सीता राना मगरले चार ओभरमा १९ रन खर्चेर दुई विकेट लिए। कप्तान रुविना क्षत्रीले चार ओभरमा १२ रन खर्चिइन्।

यूएईकी वैष्णभी महेशले सर्वाधिक १६ रन बनाइन्। ओपनर इशा ओझाले १५, कप्तान द्धाय मुगलले १४ र खुशी शर्माले १२ रन जोडे। च्याम्पियन्सिपको फाइनल पुग्ने दुई टिम एसिया कपमा छनोट हुनेछन्।