नयाँदिल्ली- भारतमा पछिल्लो २४ घण्टामा कोरोनाका १३ हजार ३१३ जना संक्रमित थपिएका छन्।

यस अवधिमा संक्रमणबाट ३८ जनाको मृत्यु भएको छ। भारततर अहिले ८३ हजार ९९० जना सक्रिय संक्रमित छन्।

बुधबारको तुलनामा ८.७ प्रतिशतले संक्रमण बढेको पाइएको छ। केन्द्रीय स्वास्थ्य मन्त्रालयका अनुसार कोरोना संक्रमण शुरु भएयता हालसम्म चार करोड ३३ लाख ४४ हजार ९५८ जनामा संक्रमण देखिइसकेको छ।

पछिल्लो २४ घण्टामा केरला, महाराष्ट्र, दिल्ली, तमिननाडु र उत्तरप्रदेश राज्यमा सर्वाधिक संक्रमित पाइएका छन्। तीमध्ये केरलामा चार हजार २२४ र महाराष्ट्रमा तीन हजार २६० नयाँ संक्रमित भेटिएका छन्। अन्य राज्यमा एक हजारभन्दा कम संक्रमित छन्।