काठमाडौं– फिल्म ‘२ नम्बरी’को फस्टलुक पोस्टर सार्वजनिक भएको छ।

फिल्मको फस्टलुक पोस्टरमा दयाहाङ राई, सौगात मल्ल, उपासना सिंह ठकुरी, उगेन छोदेन र वुद्धि तामाङलाई देख्न सकिन्छ।

रेड बर्ड प्रोडक्शनको प्रस्तुतिमा तयार भएको फिल्ममा दया र सौगातको गेटअप केही फरक देखिन्छ।

दीपेन्द्र लामाको लेखन तथा निर्देशन रहेको फिल्ममा दीपक मनाङ्गे, अमलादेवी राई र जयस श्रेष्ठको लगानी रहेको छ। किरण नेपाली प्रस्तुतकर्ता रहेको फिल्ममा सरोज नेपाली कार्यकारी निर्माता र मिठु तामाङ्नी सह–निर्माताका रुपमा रहेकी छिन्।

सुशान्त प्रजापतिको छायाङ्कन रहेको यो फिल्म आगामी ४ कात्तिकबाट रिलिज हुँदैछ।