काठमाडौँ । सौन्दर्य प्रतियोगिताकी प्रतिस्पर्धीलाई बलात्कार गरेको आरोपमा पक्राउ परेका मनोज पाण्डेलाई अदालतले थुनामा पठाउन आदेश दिएको छ । उनमाथि ८ वर्षअगाडि एक किशोरीलाई बलात्कार गरेका आरोप छ ।

तर, जिल्ला अदालत काठमाडौंले पाण्डेलाई मानव बेचबिखन तथा ओसारपसार कसूरमा पुर्पक्षका लागि थुनामा पठाउने आदेश दिएको हो ।

उनलाई डिल्लीबजार कारागार पठाइएको प्रहरीले जनाएको छ । पाण्डेविरुद्ध मानव बेचबिखनको कसुरमा १५ वर्ष र बाल यौन दुर्व्यवहारको कसुरमा ३ वर्ष गरी १८ वर्ष कैद सजायको मागदाबी गरिएको छ ।

सन् २०१४ मा भएको ‘मिस ग्लोबल इन्टरनेसनल’ प्रतियोगिताका सहभागी (प्रतिस्पर्धी)लाई होटलमा बोलाएर बलात्कार गरेको आरोप पाण्डेमाथि लागेको थियो ।

पीडितले घटना सार्वजनिक गरेसँगै पाण्डे फरार भएका थिए । उनलाई प्रहरीले जेठ ७ गते पक्राउ काठमाडौँको स्वयम्भुबाट पक्राउ गरेको हो ।