काठमाडौँ । ‘कबड्डी ४’ले सबैभन्दा धेरै कमाउने नेपाली सिनेमाको कीर्तिमान कायम गरेको छ । चलचित्रले तेस्रो शनिबारसम्म कूल २० करोड ५ लाख रुपैयाँ ग्रस रकम संकलन गरेको छ ।

यो कूल कमाइमा काठमाडौँ उपत्यकाबाट १० करोड ७५ लाख र मोफसलबाट ९ करोड ३० लाख रुपैयाँभन्दा बढी ग्रस कलेक्सन भएको हो । आइतबारको विवरण आउनै बाँकी छ ।

चलचित्रले दोस्रो सातासम्म १८ करोड ७१ लाख रुपैयाँ ग्रस कमाएको थियो । यो कमाइसँगै फिल्मले सबैभन्दा धेरै कमाउने ‘छक्कापञ्जा ३’को कीर्तिमान तोडेको छ ।

यसअघि दीपकराज गिरीको उक्त चलचित्रले पनि २० करोड कमाइ गरेको जनाइएको छ ।