काठमाडौं– निर्माण गरिरहेको सडकबाट माटोकाे ढिस्को खस्दा रोल्पामा दुई बालकको मृत्यु भएको छ।

आइतबार बिहान परिवर्तन गाउँपालिका–५ दाउन्नेभीरमा नयाँ सडक खन्न स्काभेटर मेसिन प्रयोग गरिएकोमा ढिस्को खस्दा खेलिरहेका दाजुभाइ च्यापिएका थिए ।

स्काभेटरले थर्काएको जमिनबाट खसेको ढिस्कोले दुवैलाई पुरेको थियो । घटनामा परि ७ वर्षका डेबिड खड्का र २ वर्षीय इशान खड्काको मृत्यु भएको जिल्ला प्रहरी कार्यालय रोल्पाले जनाएको छ।

बिहान ९ बजे भएको घटनामा उद्धारका लागि प्रहरी पौने ११ बजे पुगेको थियो । प्रहरीको सहयोगमा मृतक दुवै बालकको शव पोष्टमार्टमका लागि रोल्पा अस्पतालमा ल्याइएको छ ।