काठमाडौँ । रुकुम पश्चिमको जिल्ला समन्वय समितिमामा नेकपा माओवादी केन्द्रले एकलौटी गरेको छ । प्रमुखमा लुम्बिनी गौतमसहित माओवादी केन्द्रको सिंगो प्यानल निर्विरोध निर्वाचित भएको हो ।

जिसस प्रमुखमा निर्वाचित गौतम अर्थमन्त्री जनार्दन शर्माकी बहिनी हुन् । यस्तै, उनका श्रीमान गोरखबहादुर केसी आठबिसकोट नगरपालिकाका निवर्तमान नगरप्रमुख हुन् ।

अन्य दलले जिससमा उम्मेदवारी नदिएपछि उनीहरू निविरोध निर्वाचित भएका हुन् । तर, घोषणा हुन बाँकी रहेको छ । चुनाव ३१ गते तोकिएको छ ।

माओवादी केन्द्रले उपप्रमुखमा देवबहादुर कामीलाई उम्मेदवार बनाएको छ । खुला सदस्यतर्फ देउभान ओली, कृष्णबहादुर ऐरी र रामकुमार गौतम, महिला सदस्यमा गीताकुमारी केसी, शारदा दमाई र गीता नेपाली तथा दलित तथा अल्पसंख्यकबाट मीना बिकको उम्मेदवारी रहेको छ ।