काठमाडौँ । सरकारले सार्वजनिक सवारी साधनको भाडा पुनः बढाएको छ । यातायात व्यवस्था विभागले शुक्रबार सूचना जारी गर्दै भाडा बढाएको जानकारी दिएको हो ।

विभागका अनुसार अन्तर प्रदेश यातायातका यात्रुबाहक तथा मालबाहक सवारीको भाडादर बढेको जानकारी गराएको हो । सरकारले गत जेठ ११ गते मात्रै गाडी भाडा २ प्रतिशतले घटाएको थियो ।

नेपाल आयाल निगमले डिजेलमा एकैपटक १२ रुपैयाँ मूल्य बढाएपछि गाडी भाडा बढाउने निर्णय गरेको हो ।

बढेको मूल्यअनुसार यात्रुबाहक सवारीको हकमा २.५ प्रतिशत भाडा बढेको छ । पहाडी बाटोमा चल्ने मालबाहक सवारीको हकमा ३.३ प्रतिशत र तराईको बाटोमा चल्ने मालबाहक सवारीमा ३.७ प्रतिशत मूल्य बढेको विभागले जनाएको छ ।