काठमाडौँ । नेकपा एमालेका सांसद नारायणप्रसाद खतिवडाले काठमाडौँ महानगरका मेयर बालेन शाहको लौरो सिसडोलबासीको टाउकोमा बजारिएको बताएका छन् । प्रतिनिधिसभाको शून्य समयमा बोल्दै उनले सिसडोलबासीमाथि भएको दमनविरुद्ध बोलेका थिए ।

उनले जेठ २४ र २५ गते फोहोर व्यवस्थापनका नाममा सिसडोलबासीमाथि भएको दमनको विरोध गरेका हुन् । ‘नुवाकोटको ककनी र धादिङको धुनीबेँसी बीचमा बन्चरेडाँडामा फोहोर व्यवस्थापन गर्ने निहुँमा नुवाकोटे जनतामाथि प्रहरी दमन भएको छ,’ उनले भने, ‘स्थानीय निर्वाचनमा चुनाव चिन्ह रहेको लौरो अहिले नुवाकोटे जनताको टाउको र ढाडमा बजारिन पुगेको छ ।’

फोहोर व्यवस्थापन स्थानीय जनताको जायज माग सुनेर त्यो पूरा गरेर अगाडि बढ्नु पर्ने बताए ।