काठमाडौँ । हिजो साँझ काठमाडौँमा थुप्रिएको फोहोर फाल्न दिने सहमति गरेको सिसडालबासीले आज अवरोध गरेका छन् । सोमबार भएको सहमति नमान्ने भन्दै आज नुवाकोट सिसडोलका स्थानीयबासीले फोहोर फाल्न नदिएका हुन् ।

सहमतिअनुसार आज बिहान काठमाडौंबाट फोहोर बोकेर डम्पिङ साइडमा पुगेको गाडीलाई स्थानीयले रोकेका हुन् । हिजो सहरी विकासमन्त्री रामकुमारी झाँक्रीको रोहबरमा काठमाडौँका मेयर बालेन शाहसहितको जनप्रतिनिधिबीच तीन पक्ष वार्ता भएको थियो ।

वार्तामा काठमाडौं महानगर, ललितपुर, ककनी, धुलिबेँसी र गोकर्णेश्वरका जनप्रतिनिधिबीच आजदेखि फोहोर उठाउने सहमति भएको थियो ।

शहरी विकास मन्त्रालय, काठमाडौं महानगर र प्रभावित क्षेत्रका तर्फबाट विभिन्न प्रतिवद्धतासहितको सहमति पत्रमा हस्ताक्षर गरिएको थियो ।