काठमाडौँ । काठमाडौं महानगरले सार्वजनिक शौचालय प्रयोग गर्न दिने होटल, रेष्‍टुरेण्ट तथा बैंकका लागि लोगो सार्वजनिक गरेको छ ।

महानगरका मेयर बालेन्द्र साह (बालेन)ले सर्वसाधरणलाई शौचालय प्रयोग गर्न दिने होटल, रेष्‍टुरेण्ट तथा बैंकका लागि लोगो सार्वजनिक गरेका हुन् । उनले यसका लागि सात दिनभित्र लोगो लिन आउनका लागि सम्पर्क गर्न आग्रह गरेका छन् ।

उनले भने, ‘काठमाडौं महानगरले होटल, रेष्टुरेन्ट, बैंकलगायतले शौचालय सार्वजनिक रूपमा सर्वसाधारणलाई प्रयोग गर्न दिने भए सात दिनभित्र सम्पर्कमा आउन आग्रह गर्दछु ।’

गत जेष्ठ १६ मा बालेनको अध्यक्षतामा बसेको वडाध्यक्षसहितको पहिलो बैठकले यस्तो निर्णय गरेको थियो ।