काठमाडौँ । प्रदर्शन भइरहेको ‘कबड्डी ४’की अभिनेत्री मिरुना मगरले माफी मागेकी छन् । गत साता आफूमाथि भएको ‘दुर्व्यवहार’को घटनालाई लिएर उनले प्रष्टीकरण दिँदै माफी मागेकी हुन् ।

सामाजिक सञ्जालमार्फत वक्तव्य जारी गर्दै उनले घटनाबाट आफूप्रति दुःखी हुनेप्रति क्षमायाचना मागेकी हुन् । गलत कार्यका विरुद्ध आवाज उठाउन आग्रह गर्दै उनले चुपचाप दुःख नसहन पनि अपील गरेकी छन् ।

‘तपाईंहरूमध्ये धेरैले मसँग बाँड्न आउनु भएको मेराजस्तै घटनाका कथाबाट म अत्यन्तै प्रभावित भएकी छु, यो समयमा यी कथाबाट साहस जुटाउन सकेकोमा तपाईंको प्रशंसा नगरिरहन सक्दिनँ,’ उनले लेखेकी छन्, ‘चुपचाप आफूले कहिल्यै दुःख नसहनुहोस्, र गलतको विरुद्ध जहिल्यै लड्नुहोस्, अहिलेलाई जति नै कठिन भए पनि भोलिको दिनमा परिवर्तन अवश्य होला ।’

मंगलबार बेलुका दुवै पक्षबीच सहमति भएपछि विवाद मत्थर भएको छ ।