काठमाडौँ । मुस्ताङको थासाङ गाउँपालिका २ सानोसरे भीरमा भएको विमान दुर्घटनाका सबै यात्रुको शव संकलन भएको छ । चालक दलका ३ सदस्यसहित २२ जनाको शव संकलन सकिएको हो ।

संकलन शवमध्ये १० वटा सोमबारै काठमाडौं ल्याइएको छ । बाँकी १२ वटा शव दुर्घटनास्थलबाट तल कोवाङमा झारिएको छ । ती सबै शवको मुचुल्का उठाएर काठमाडौं ल्याउने तयारी भइरहेको छ ।

गत आइतबार बिहान पोखराबाट जोमसोम उडेको जहाज सोमबार बिहान मात्रै दुर्घटनाग्रस्त अवस्थामा भेटिएको थियो । घटनामा धनुषाको एकै परिवारका ७ जना र गोरखाको एकै परिवारको ४ जनाको मृत्यु भएको थियो ।