काठमाडौँ । गत जेठ १५ गते प्रतिनिधिसभामा प्रस्तुत भएको आगामी आर्थिक वर्षको बजेटमाथि सैद्धान्तिक छलफल हुने भएको छ ।

आज बिहान ११ बजेदेखि बस्ने संसद बैठकले बजेटमाथि सैद्धान्तिक छलफल गर्ने भएको हो ।

अर्थमन्त्री जनार्दन शर्माले बजेट प्रस्तुत गरेका थिए । उक्त बजेटमा छलफल गर्न र सो क्रममा उठेका प्रश्नको मन्त्रीले जवाफ दिनका लागि सभामुख अग्नि सापकोटाले जेठ १७, १८ र १९ गते संसद बैठक आह्वान गरेका छन् ।