काठमाडौँ । आइतबार बिहान सम्पर्कविहीन भई दुर्घटना भएको तारा एयरको जहाजमा परेका १४ जनाको शव संकलन भएको छ ।

नेपाल नागरिक उड्ययन प्राधिकरणका अनुसार जहाजमा सवार २२ जनामध्ये १४ जनाको शव संकलन भएको हो ।

प्राधिकरणका अनुसार १२ जनाको छरिएको र २ जनाको चेपिएको अवस्थामा फेला परेको हो । बाँकी ८ जनाको शव खोजी भइरहेको छ ।

शवको अवस्था पहिचान, सुरक्षित रहेकाले मुचुल्का तयार पारेर हेलिकोप्टरमार्फत पहिले कोवाङ ल्याउने तयारी भएको छ ।

जहाज मुस्ताङको थासाङ गाउँपालिका २ को सानो सरे भन्ने ठाउँमा दुर्घटनाग्रस्त अवस्थामा फेला परेको हो ।