काठमाडौँ । सरकारले आगामी आर्थिक वर्षदेखि सुरु हुने गरी निजामती कर्मचारीको तलब १५ प्रतिशतले वृद्धि गरेको छ ।

संघीय संसदमा आइतबार आव २०७९–८० को बजेट भाषण गर्दै अर्थमन्त्री जनार्दन शर्माले तलब वृद्धि गरेको बताएका हुन् । सरकारले सेना, प्रहरी, शिक्षकसहित निजामती कर्मचारीको तलब वृद्धि गरेको हो ।

निर्णयअनुसार निजामति कर्मचारीको तलब मुखियाको २४,०१० रुपैयाँबाट २७,६१२ रुपैयाँ पुगेको छ । यस्तै, खरिदारको २८,६१० बाट ३२,९०२ पुगेको छ ।

यसैगरी, नायव सुब्बाको ३०,२०० बाट ३४,७३०, शाखा अधिकृतको ३७,९९० बाट ४३,६८९, उपसचिवको ४२,३८० बाट ४८,७३७, सहसचिवको ४९,३८० बाट ५६,७८७ पुगेको छ ।

यसैगरी, सचिवको ६२,६८० बाट ७२,०८० पुग्दा मुख्यसचिवको ६७,१४० बाट ७७,२११ पुगेको छ ।