काठमाडौँ । मन्त्रिपरिषद्को बैठकबाट आगामी आर्थिक वर्ष २०७९/८० को बजेट पारित भएको छ । प्रधानमन्त्री निवास बालुवाटारमा बसेको बैठकले बजेट पारित गरेको हो ।

मन्त्रिपरिषदबाट बजेट पारित हुनुअघि राष्ट्रिय योजना आयोगको स्रोत समितिबाट पनि बजेट पारित भएको थियो । योजना आयोगका अध्यक्ष तथा प्रधानमन्त्री शेरबहादुर देउवा, उपाध्यक्ष विश्वनाथ पौडेल आयोगका सदस्यहरू सहभागी थिए ।

पास भएको बजेट अर्थमन्त्री जनार्दन शर्माले आजै अपरान्ह ४ बजे प्रतिनिधिसभामा पेश गर्ने भएका छन् । बजेट भाषण सुन्न सासंदलाई पौने ४ बजे संसद भवन पुगिसक्न सभामुख अग्निप्रसाद सापकोटाले शनिबारको बैठकमा रुलिङ गरेका थिए ।