काठमाडौँ । सरकारले पेट्रोलियम पदार्थको कर घटाउने भएको छ । चौतर्फी विरोधपछि पेट्रोलिमय पदार्थको पूर्वाधार र भन्सार शुल्क घटाउन अर्थ मन्त्रालयलाई सैद्धान्तिक सहमति दिएको छ ।

गत १० जेठमा बसेको बैठकले अर्थ मन्त्रालयलाई पेट्रोलियम पदार्थको कर हटाउन सैद्धान्तिक सहमति दिएको हो । योसँगै पेट्रोलियम पदार्थमा लाग्दै आएको दुई शीर्षकको कर हट्ने भएको छ ।

मन्त्रालयले कुन–कुन शीर्षकमा कसरी करको मूल्य घटाउने भन्नेबारे छलफल भइरहेको स्रोतले जानकारी दियो ।

अहिले पेट्रोल प्रतिलिटरमा भन्सार शुल्क २५ रुपैयाँ २३ पैसा र पूर्वाधार शुल्ककबापत थप १० रुपैयाँ भन्सार बिन्दुमै उठाउँदै आएको छ ।

यस्तै डिजेलमा १२ रुपैयाँ २ पैसा भन्सार शुल्क र पूर्वाधरबापत १० रुपैयाँ संकलन हुँदै आएको छ ।