काठमाडौँ । ‘स्थानीय तह निर्वाचन २०७९’ चुनावको काठमाडौं महानगर पालिका २७ जना उम्मेदवारले शून्य मत पाएका छन् । रोचक कुरा के भने उनीहरुले आफूलाई नै भोट हालेनन् ।
गत वैशाख ३० गते भएको महानगरको मतदानमा काठमाडौं महानगर पालिकामा ५५ जनाको मेयरमा उम्मेदवारी दर्ता गराएका थिए । जसमध्ये २७ जनाले शून्य मत पाए ।
शून्य मत पाउनेहरूमा स्वतन्त्र उम्मेदवार किरण रंजित, सन्देश शाक्य, प्रणेशबहादुर मल्ल, मनिष श्रेष्ठ, ज्ञानु लामा तामाङ, विपिनराज वैद्य, रोशन शाही, जेठा महर्जन, राहुल मानन्धर, बच्पनराज श्रेष्ठ, सुनिल श्रेष्ठ उमेशकुमार सिंह, अमोट महर्जन, रजितमान शाक्य, इन्द्रमणि कपाली, रविका मानन्धर, दीपक सिलुवाल, विनय स्थापित, न्हुज मान्नधर, स्वइट थापा, राजन कार्की, कान्ति तुलाधर (बर्जाचार्य) शैलेन्द्रमान श्रेष्ठ, प्रणेश बहादुर मल्लले शून्य मत ल्याएका छन् ।
यस्तै, राष्ट्रिय यर्थावादी पार्टी नेपालका आनन्दराज जोशी, नेपाल जनता पार्टी सरिता घिमिरे, नेपाल परिवार दल दलका पियरत्न महर्जनले पनि शून्य भोट पाए ।
