काठमाडौँ । गत वैशाख ३० गते सम्पन्न स्थानीय तह निर्वाचनको मत परिणाम अन्तिम अवस्थामा पुगेको छ । सबैको चासोका रुपमा रहेको काठमाडौँ महानगरको मत गणना पनि अन्तिम अवस्थामा पुगेको छ । यस्तै, अन्य चार पालिकाको मत परिणाम आउन बाँकी छ ।
निर्वाचन आयोगका अनुसार काठमाडौँ महानगर, रुपन्देहीको तिलोत्तमा नगरपालिका, उदयपुरको त्रियुगा र बाजुराको बूढीगंगा नगरपालिकाको मात्र मत परिणाम आउन बाँकी छ ।
काठमाडौँ महानगरको अन्तिम मत परिणाम आजै आउने सम्भावना रहेको छ । करिब ७ हजार मत गन्न बाँकी हुँदा स्वतन्त्र उम्मेदवार बालेन साहको जित सुनिश्चित भएको छ । अब अन्तिम मत गणना गरी विजय घोषणा गर्न मात्रै बाँकी छ ।
काठमाडौँका मेयर बालेनको विजय घोषणासँगै देशका सबै महानगरको अन्तिम मत परिणाम सम्पन्न हुनेछ । जसमा सबैभन्दा रोचक भिडन्तका रुपमा काठमाडौँ, भरतपुर र पोखरा महानगरलाई हेरिएको थियो ।
निर्वाचनअघिको चुनावी सभाहरूमा आफू पहिलो हुने बताउँदै आएका केशव स्थापित तेस्रो स्थानमा पुगे ।
काठमाडौँमा नेकपा एमालेका उम्मेदवार केशव स्थापित र सत्ता गठबन्धनका तर्फबाट नेपाली कांग्रेसकी उम्मेदवार सिर्जना सिंहबीच कडा प्रतिस्पर्धा हुने अपेक्षा गरिएको थियो । तर, मत गणनादेखि अगाडि देखिएक स्वतन्त्र उम्मेदवार बालेन साहको विजय सुनिश्चित भइसकेको छ ।
निर्वाचनअघिको चुनावी सभाहरूमा आफू पहिलो हुने बताउँदै आएका केशव स्थापित तेस्रो स्थानमा पुगे । दुईपटक मेयर भइसकेका उनी निरिह बन्दा गुमनाममा रहेकी अर्थात कांग्रेस नेता प्रकाशमान सिंहकी श्रीमती दोस्रो भइन् ।
तर, देशका ठूला पार्टीका उम्मेदवारहरू सिंह र स्थापित पराजित हुँदै गर्दा स्वतन्त्र उम्मेदावर बालेन करिब दोब्बर मतले विजयी हुने भएका छन् । उनको जितसँगै काठमाडौँमा पहिलोपटक स्वतन्त्र उम्मेदवार मेयरमा विजयी भएको नयाँ इतिहास बनेको छ ।
यस्तै, अर्को रोचक भिडन्त भरतपुर महानगरमा भयो । नेकपा माओवादी केन्द्रकी उम्मेदवार रेनु दाहालले पुनः मेयरमा उम्मेदवारी दिएसँगै यहाँको निर्वाचन रोचक भएको हो । यहाँ नेकपा एमाले र राप्रपा गठबन्धनका उम्मेदवार विजय सुवेदीले जित्ने धेरैले अनुमान गरेका थिए ।
उनले आफ्नो अडान नछाडेपछि सत्ता गठबन्धनकै भविष्यमाथि प्रश्न चिन्ह खडा हुन पुग्यो । यसलाई भरतपुरमा भएको एक चुनावी सभालाई सम्बोधन गर्दै माओवादी केन्द्रका अध्यक्ष पुष्पकमल दाहाल ‘प्रचण्ड’ले थप स्पष्ट बनाए ।
यस महानगरमा जगन्नाथ पौडेलको स्वतन्त्र उम्मेदवारीले थप रोचक बनायो । नेपाली कांग्रेसबाट असन्तुष्ट जनाउँदै उम्मेदवारी दिएका उनले कांग्रेसको भोट काट्दा एमालेका उम्मेदवार विजय सुवेदीले जित्ने आकलन गरिएको थियो । उनको उम्मेदवारी फिर्ता गराउन नेपाली कांग्रेसका सभापति तथा प्रधानमन्त्री शेरबहादुर देउवा स्वयम भरतपुर पुगेका थिए ।
यस्तै, जगन्नाथको उम्मेदवारी फिर्ता गराउन गृहमन्त्री बालकृष्ण खाँण र राज्यमन्त्री उमेश श्रेष्ठसमेत दुई दिन भरतपुरमा बसेर कसरत गरे । तर, जगन्नाथले उम्मेदवारी फिर्ता नगर्ने बताए ।
उम्मेदवारी फिर्ता गराउन कांग्रेस नेता रामचन्द्र पौडल जगन्नाथकै निवासमा पुगे । अनेक प्रलोभन देखाए । तर, उनले आफ्नो अडान नछाडेपछि सत्ता गठबन्धनकै भविष्यमाथि प्रश्न चिन्ह खडा हुन पुग्यो । यसलाई भरतपुरमा भएको एक चुनावी सभालाई सम्बोधन गर्दै माओवादी केन्द्रका अध्यक्ष पुष्पकमल दाहाल ‘प्रचण्ड’ले थप स्पष्ट बनाए ।
चुनावी सभालाई सम्बोधन गर्दै प्रचण्डले भरतपुरमा रेनु मेयरमा पराजित भए देश दुर्घटनामा जाने चेतावनी दिए । उनले मेयरमा रेनुको जित भए कांग्रेससँग २० वर्षसम्म सहकार्य गर्ने बाचा गरे । सोही सभालाई सम्बोधन गर्दै प्रधानमन्त्री देउवाले महिलालाई पराजित गरे विश्वले हेर्ने दृष्टि फरक हुने र रेनुलाई आफैले उम्मेदवारी दिन लगाएकोसम्म भन्न भ्याए ।
सत्ता र शक्तिको चरम प्रयोग भए पनि भरतपुरमा जगन्नाथको उम्मेदवारी फिर्ता गराउन सरकार नै सफल हुन सकेन । जसले यस महानगरको चुनावलाई महाभिडन्त बनायो ।
निर्वाचन सकेपछिको सुरुवाती मत गणनाले पनि थप रोचक बन्यो । सुरुवाती अवस्थामा रेनु दाहाल र विजय सुवेदीको मतान्तर केही भोटले मात्रै भएको थियो । यसैबीच जगन्नाथले ल्याएको मतले अब कस्तो होला भन्ने उत्सुकता जगायो ।
तर, अन्तमा माओवादी केन्द्रकी उम्मेदवार रेनु दाहाल १२ हजार मतान्तर विजयी भई । उनले एमालेका विजय सुवेदीलाई पराजित गरिन् । तर, तेस्रो स्थानमा स्वतन्त्र उम्मेदवार जगन्नाथ नै भए ।
भर्खरै पार्टी बनेको नेकपा एस पार्टीका धनराजले धेरै कम मत पाउने आशा गरिएको थियो । तर, निर्वाचनपछि मत गणना भएसँगै उनी एमालेका थापाभन्दा अगाडि देखिए ।
गत स्थानीय निर्वाचनमा रेनु दाहाललाई विजयी गराउन मतपत्र च्यातिएको आरोपले पनि यस निर्वाचनलाई थप रोचक बनाएको थियो ।
महानगरको अर्को रोचक प्रतिस्पर्धा पोखरामा भयो । यस महानगरमा एमालेबाट फुटेर गएको नेकपा एकीकृत समाजवादीले एमालेकै उम्मेदवारलाई चुनौती दिएसँगै निर्वाचन रोचक बन्न पुगेको हो ।
एमालेको गढसमेत मानिएको यस महानगरमा सत्ता गठबन्धनका तर्फबाट नेकपा एसका धनराज आचार्य र एमालेका कृष्णबहादुर थापाको भिडन्त बन्यो । सुरुवाती दिनमा एकै पार्टीमा रहेर सहकार्य गरेका सहयात्री नै मेयरका प्रतिस्पर्धी थिए ।
भर्खरै पार्टी बनेको नेकपा एस पार्टीका धनराजले धेरै कम मत पाउने आशा गरिएको थियो । तर, निर्वाचनपछि मत गणना भएसँगै उनी एमालेका थापाभन्दा अगाडि देखिए ।
अन्ततः पार्टी बनेको सात महिनामा चुनावमा होमिएको पार्टी नेकपा एसका उम्मेदवार धनराजले जित हात पारे । उनले कुनैबेलाका आफ्नै सहकर्मी तथा नेकपा एमालेका कृष्णबहादुरलाई ६ हजार मतान्तरले पराजित गरे ।
अघिल्लोपटक भोट दिएका जनताले यसपटक सरावगीलाई भोट दिएनन् । उनलाई मेयरबाट पराजित गरिदिए । तर, सत्ता गठबन्धनका उम्मेदवार जसपाकै युवा नेताले सिंहलाई भोट दिए ।
यसैगरी वीरगञ्ज महानगरको मेयरका लागि भएको निर्वाचन पनि रोचक बन्न पुग्यो । जनता समाजवादी पार्टी (जसपा)बाट निर्वाचित भएर मेयर बनेका विजयकुमार सरावगी नेकपा एमाले प्रवेश गरे । त्यसपछि उनै सरावगी एमालेबाट मेयरका उम्मेदवार बने ।
पहिलोपटक मेयर बनेर नाम कमाएका सरावगी पुनः मेयर बनेर दोहोरिने चर्चा नभएको होइन । तर, उनी आफ्नै पूर्वपार्टी जसपाका उम्मेदवार युवा नेता राजेशमान सिंहसँग पराजित बने ।
अघिल्लोपटक भोट दिएका जनताले यसपटक सरावगीलाई भोट दिएनन् । उनलाई मेयरबाट पराजित गरिदिए । तर, सत्ता गठबन्धनका उम्मेदवार जसपाकै युवा नेताले सिंहलाई भोट दिए ।
मेयरमा विजयी भएका सिंहले सरावगीको भन्दा दोब्बर मत पाए । अर्थात ४६ हजार मत ल्याए । उनको प्रतिद्वन्द्वी सरावगीले २३ हजार मात्रै भोट पाए ।
काठमाडौँ उपत्यकाको अर्को महानगर ललितपुरको निर्वाचनलाई पनि चासोका रुपमा हेरिएको थियो । सत्ता गठबन्धनबाट उम्मेदवार बनेका नेपाली कांग्रेसका चिरिबाबु महर्जन दोस्रोपटक मेयर बन्ने दाउमा थिए । उनलाई पराजित गर्दै नेकपा एमालेका उम्मेदवार हरिकृष्ण व्यञ्जनकार मेयर बन्न जोड बल गर्दै थिए ।
तर, पहिलोपटक मेयर बनेर राम्रो काम गरेका महर्जनलाई पुनः जनताले पत्याइदिए । निर्वाचनपछि मत गणना हुँदा सुरुदेखि नै अग्रता लिएका महर्जनले जितको नतिजा सर्वाजनिक हुँदासम्म अग्रता कायमै राखे । महर्जनले ४२ हजार मत पाउँदा व्यञ्जनकारले जम्मा २४ हजार मात्रै मत पाए ।
यस्तैगरी, विराटनगर महानगरको निर्वाचनमा केही रोचक बन्न पुग्यो । मूलतः नेपाली कांग्रेसका उम्मेदार नागेश कोइराला आफै चेपुवामा परे । यस महानगरमा उनको जित भयो । सुरुमा नै उनको उम्मेदवारीको विषयलाई लिएर पार्टीभित्र विवाद भएको थियो ।
कोइराला परिवारका नेताहरू वरिष्ठ नेता शेखर कोइराला र शंशका कोइरालाको जोड बलमा उनले उम्मेदवारी दिन पाएका थिए । उनको उम्मेदवारीलाई लिएर कोइराला परिवार र पार्टी सभापति देउवाबीच टसल भएको थियो । १४ औँ महाधिवेशनमा विभाजित भएको कोइराला परिवारका नेताहरू शेखर, शशांक र सुजता कोइराला एकै ठाउँमा आए ।
अन्ततः नागेशले नेकपा एमालेका उम्मेदवार सागर कुमार थापालाई ९ हजार भोट मतान्तरले पराजित गरे ।