पोखरा । पोखरा महानगरका दुई वडामा पुनः मत गणना माग राख्दै एमालेले मत गणना बहिष्कार गरेको छ । पोखराका दुई वडामा पुनः मत गणनाको माग राख्दै एमालेका प्रतिनिधि मत गणनास्थलबाट बाहिरिएका हो ।

पोखराका दुई वडामा मुचूल्काको भन्दा मत पेटिकामा कम मत भएको भन्दै एमालेले मुख्य निर्वाचन अधिकृतको कार्यालयमा निवेदन बुझाएको थियो । एमालेले वडा १८ र ३१ को पुनः मत गणना माग राखेको हो ।

पोखराका ३३ वडामध्ये हाल २२, ३२ र ३३ को मत गणना भइरहेको थियो ।

हाल नेकपा एकीकृत समाजवादीका मेयर प्रत्याशी धनराज आचार्य एमालेका उम्मेदवार कृष्णबहादुर थापाभन्दा ५ हजार ४८५ मतले अगाडि छन् । उनको जित सुनिश्चित भइसकेको छ ।

उपमेयरमा एमालेकी मञ्जुदेवी गुरुङले कांग्रेसकी कोपिला रानाभाटलाई ३ हजार ९९० मतले अगाडि छन् ।