इस्लामावाद- पाकिस्तानका राष्ट्रपति आसिफ अली जर्दारीको अनुरोधमा पूर्व सिनेट अध्यक्ष सैयद नैयर बुखारी र राष्ट्रपतिका प्रवक्ता मुर्तजा सोलांगीले गत हप्ता चीन-नेपाल सीमामा पहिरो र हिमनदी फुटेर आएको ठूलो बाढीबाट भएको विनाश र क्षतिप्रति राष्ट्रपति र पाकिस्तानका जनताको तर्फबाट समवेदना व्यक्त गर्न इस्लामाबादस्थित नेपाली दूतावासको भ्रमण गरेका छन्।

पाकिस्तानका लागि नेपालका राजदूत रीता धितालले उनीहरूलाई स्वागत गरिन् र यस कठिन समयमा नेपालप्रति पाकिस्तानी सरकार र जनताको ऐक्यबद्धता र समर्थनको लागि आभार व्यक्त गरिन्।

त्यस अवसरमा सैयद नैयर बुखारी र मुर्तजा सोलांगीले आगन्तुक पुस्तिकामा आफ्नो समवेदना र ऐक्यबद्धताको सन्देश पनि लेखे।