काठमाडौँ । धरान उपमहानगरका नवनिर्वाचित मेयर हर्क साम्पाङले शपथ ग्रहण गरेका छन् । उनलाई सुनसरीका १ नम्बर न्यायाधीश कैलाश सुवेदीले शपथ ग्रहण गराएका हुन् ।

इनरुवामा सोमबार बिहान साम्पाङलाई न्यायाधीश सुवेदीले शपथ गराएका हुन् । मेयर साम्पाङले सपथ लिएपछि धरानमा उपमेयरसहित वडामा निवार्चित जनप्रतिनिधिलाई शपथ ग्रहण गराउने भएका छन् ।

धरानमा मेयर, उपमेयरसहित कूल १०२ जना जनप्रतिनिधि निवार्चित भएका छन् ।

साम्पाङले स्वतन्त्र उम्मेदवार दिएर लौरो चिन्हमा चुनाव जितेका हुन् । उनले २० हजार ८२१ मत पाएका थिए ।