काठमाडौं । सौन्दर्य प्रतियोगिता आयोजना गरी बलात्कार गरेको आरोपमा पक्राउ परेका मनोज पाण्डेविरुद्ध अर्की महिला प्रहरीको सम्पर्कमा पुगेकी छन् ।

उपत्यका अपराध अनुसन्धान कार्यालय बानेश्वरको सम्पर्कमा थप एक जना पीडित महिला पुगेकी हुन् । यस्तै, अन्य दुई जना महिलाले पनि पाण्डेबाट दुर्व्यवहारको प्रयास भएको प्रहरीमा बयान दिएका छन् ।

गत बुधबार पाण्डे सञ्चालक रहेको कम्पनीले आयोजना गरेको सौन्दर्य प्रतियोगिताकी एक प्रतिस्पर्धीले आफूलाई बलात्कार गरेको बताएकी थिइन् ।

ती पीडित युवतीले भिडियो बनाएर नै ८ वर्षअघि पाण्डेले आफूमाथि बलात्कार गरेको बताएकी थिइन् । यसपछि सरकारले पीडकलाई कारबाही गर्न प्रहरीलाई निर्देशन दिएसँगै प्रहरीले शनिबार स्वयम्भुबाट पाण्डेलाई पक्राउ गरेको थियो ।