दुवइ- मन्त्रालय तथा सैन्य स्रोतका अनुसार रणनीतिक यमनी प्रान्तमा हुथी विद्रोहीहरूले गरेको आक्रमणमा कम्तिमा दश जनाको मृत्यु भएको जनाइएको छ ।

इरान समर्थित हुथी र साउदी समर्थित यमन सरकार बीच सन् २०२२ मा भएको युद्धविराम गत महिना देखि अन्त्ये हुँदा बिहीबार मारिब प्रान्तमा भएको विद्रोही मिसाइल आक्रमणमा कम्तीमा ५८ जना सरकारी सैनिकको मृत्यु भएको जनाइएको छ ।

यमनका लागि संयुक्त राष्ट्रसङ्घका विशेष दूत हान्स ग्रन्डबर्गले एक विज्ञप्ति जारी गर्दै यमनले सन् २०२२ अप्रिलमा संयुक्त राष्ट्रसङ्घको मध्यस्थतामा भएको युद्धविराम पछिको समयमा पनि यमनका विभिन्न क्षेत्रमा ठूलो द्वन्द्वको जोखिमको सामना गरिरहेको जनाउनु भएको छ ।

संयुक्त राज्य अमेरिका र इरानबीचको तिक्तताको बीचमा, उहाँले दुवै पक्षलाई संयमीतता अपनाउन र सद्भावसहित वार्तामा फर्कन आह्वान गर्नु भएको छ ।

मारिबमा हालै भएको हुथी आक्रमणमा आठ जना सरकारी सेनाको मृत्यु हुनुका साथै अन्य १२ जना घाइते भएको यमनी सैन्य स्रोतलाई उदृत गर्दै एएफपीले जनाएको छ ।

यमन सरकारका स्वास्थ्य मन्त्रीले विद्रोहीहरूले मारिब सहरमा आवासीय क्षेत्र र विस्थापन शिविरहरूलाई लक्षित गरी गोलाबारी गर्दा कम्तीमा दुई जना सर्वसाधारणको मृत्यु हुनुका साथै १४ जना घाइते भएको बताउनुभको छ ।

विद्रोहीहरूले मारिब प्रान्तको सरकारी सैन्य शिविरमा आक्रमण गरेको दाबी गरेका छन् ।

आक्रमणको केन्द्रमा रहेको साउदीले आफ्नो सेनालाई परिचालन गरी हतियार, सवारी साधन र सैन्य उपकरणसहित साहन अल–जिन शिविरमा ठूलो सङ्ख्यामा मिसाइल र ड्रोनले आक्रमण गरेको हुथीका प्रवक्ता याह्या सारीले विज्ञप्ति मार्फत जनाउनु भएको छ ।

स्वास्थ्य मन्त्री कासिम बुहाइबेहल सामाजिक सञ्जाल एक्समा आतङ्कवादी हुथी मिलिसियाले शुक्रबार मारिब सहरमा आवासीय भवन र विस्थापितहरुका शिविरहरूलाई निशाना बनाएर गरेको आक्रमणमा अनुसार–दुई जना सर्वसाधारणको मृत्यु हुनुका साथै अन्य १४ जना घाइते भएको प्रारम्भिक अनुसन्धानले देखाएको जनाउनुभएको छ ।

हुथीहरूले मारिब प्रान्तमा सैन्य शिविरहरूलाई लक्षित गरी १० वटा भन्दा बढी मिसाइलहरू र सात वटा एकतर्फी ड्रोनहरू पनि प्रक्षेपण गरेको नाम नछाप्ने सर्तमा यमनी सैन्य स्रोतलाई उदृत गर्दै एएफपीले जनाएको छ ।

साउदी सेनाका नजिकको एक स्रोतलाई उदृत गर्दै एएफपीले सन् २०१५ देखि यमनी सरकारलाई समर्थन गर्ने साउदी नेतृत्वको गठबन्धन हुथी आक्रमणको विरुद्धमा मूर्खतापूर्वक खडा नहुने जनाएको छ ।

गठबन्धनले तनाव नबढाए पनि साउदी अधिकारीहरूले मारिब प्रान्तमा हुथीको कब्जा स्वीकार नगर्ने जनाएका छन् ।

विद्रोहीहरूले यमनी सरकारी सेनाको निर्माणको प्रतिक्रियामा बिहीबार धेरै केन्द्रहरुमा आक्रमण गरेको बताएका छन् ।

विद्रोहीहरुले गरेको मिसाइल तथा ड्रोन आक्रमणले कम्तिमा ५८ जना सरकारी सैनिकको ज्यान लिएको मारिबमा, सेनाको स्रोतलाई उदृत गर्दै एएफपीले जनाएको छ ।

यस अघि यमनी सैन्य स्रोतले मारिब सहरको उत्तरमा सिरवाह र अल–कसारा र झडप भइरहेको बताएको थियो ।

विद्रोहीहरूले यस क्षेत्रमा रहेको हतियार भण्डारमा पनि आक्रमण गरेको जनाइएको छ ।

मारिब प्रान्त हुथी र यमनी सरकारबिच विभाजित छ, जसले मारिब सहरका साथै यस क्षेत्रका तेल सुविधाहरू नियन्त्रण गर्दछ ।

सन् २०२१ मा हुथीहरूले मारिब प्रान्तमा आक्रमण पुनः सुरु गरेका थिए भने सन् २०२२ मा भएको युद्धविराम पछि लडाइँ धेरै हदसम्म रोकिएको जनाइएको छ ।

एक दशक भन्दा लामो समय युद्धमा फसेको यमनमा गत महिना तेहरान समर्थित हुथीहरूले सन् २०२२ को युद्धविरामलाई बढावा दिएपछि अमेरिका–इरान द्वन्द्वमा मुछिने नयाँ मोर्चा बनेको थियो ।

विद्रोहीहरूले यमनको राजधानी सानामा सिधै इरानी विमानलाई स्वागत गरे पछि बदलामा आक्रमणहरू सुरु भए पछि उनीहरूले साउदी अरबको समुद्री नाकाबंदीको घोषणा गरी ट्याङ्करहरूमा प्रहार गर्न थालेको जनाइएको छ ।

गत महिना, हुथीहरूले बन्दरगाह सहर होदेइदाहको दक्षिणमा सरकार–गठबन्धन सेनाहरूमा भएको आक्रमणमा १६ जना सैनिकहरूको हत्या गरेको चिकित्सा अधिकारीहरूले बताएका छन् ।