काठमाडौं- आज ११ जुलाई। विश्व इतिहासका असंख्य घटनाले आजको दिनलाई संसारभर स्मरण गराउँछन्। प्रस्तुत छ, आजको दिन भएका केही संसार प्रसिद्ध घटनाको सारसंक्षेप।
– सन् १९९१- नाइजेरिया विमान दुर्घटनामा मारिए २६१
सन् १९९१ मा आजकै दिन नाइजेरिया एयरवेजको डीसी-८ विमान दुर्घटनामा २६१ जनाले ज्यान गुमाएका थिए। उक्त घटना साउदी अरेबियाको जेद्दामा भएको थियो।
– सन् १९९५- स्रेबेनिका नरसंहार
बोस्निया हर्जगोभिनाको स्रेबेनिकामा आजकै दिन भएको नरसंहारमा ८ हजारभन्दा बढीको ज्यान गएको थियो। बोस्नियन सर्ब समूहले त्यहाँका मुसलमान पुरुषहरूको हत्या गरेको थियो। राडोभान कारादजिकको नेतृत्वमा सर्बहरूले स्रेबेनिकामाथि कब्जा जमाएका थिए।
– सन् २००६- मुम्बई विष्फोटमा २०० मारिए
सन् २००६ मा आजकै दिन भारतको आर्थिक राजधानी मुम्बईमा रेलमा भएको विष्फोटमा परी २०० भन्दा बढीको ज्यान गएको थियो। विभिन्न स्थानमा भएका विष्फोटमा करिब ७०० जना घाइते भएका थिए। मुम्बईको सिटी रेल सञ्जालअन्तर्गत विभिन्न स्थानमा आतंककारी समूहले विष्फोट गराएको थियो। घटनाको जिम्मेवारी आतंककारी संगठन लस्कर-ए-तोइबाले लिएको थियो।
– सन् २०११- पत्ता लागेको १६५ वर्षपछि बरुण ग्रहले गर्यो पृथ्वीको पहिलो परिक्रमा
बरुण ग्रह अर्थात् नेपच्युनको खोजी २३ सेप्टेम्बर १८४६ मा भएको थियो। त्यसयता सन् २०११ मा आजकै दिन उक्त ग्रहले पहिलोपटक सूर्यको परिक्रमा पूरा गरेको थियो। बरुण ग्रहले सूर्यको एकपटक परिक्रममा पूरा गर्न पृथ्वीको समयको १६५ वर्ष लगाउँछ। त्यो भनेको पृथ्वीको १९ हजार १९० घण्टा हो।
– सन् २०१८- चीनमा सर्वाधिक पुरानो ढुंगाका सामान फेला
सन् २०१८ मा आजकै दिन अफ्रिका महादेश बाहिर चीनको लान्सियान काउन्टीमा २१ लाख २० हजार वर्ष पुरानो ढुंगाका सामान फेला परेका थिए। यो अफ्रिका बाहिर ढुंगाबाट बनेका सामग्री फेला परेको पहिलो घटना थियो।
– सन् २०१९- ३० करोड किमी टाढा जापानी यान
सन् २०१९ मा आजकै दिन जापानी यान ‘हायाबुसा-२’ ३० करोड किलोमिटर टाढाको र्युगु क्षुद्र ग्रहमा अवतरण गरेको थियो। क्षुद्र ग्रहका माटो र ढुंगाको नमूना संकलन गर्न जापानी यान त्यति टाढा पुगेको यो दोस्रोपटक थियो।
– सन् २०१९- बिटलको अन्तिम कार
सन् २०१९ मा आजकै दिन विश्व चर्चित भक्सवागन कम्पनीले बिटल ब्रान्डको अन्तिम कार उत्पादन गरेको थियो। उक्त ब्रान्डको कार बजारमा ल्याएको ८० वर्षपछि कम्पनीले मेक्सिकोको प्युब्लोमा अन्तिम कार उत्पादन गरेको थियो।
– सन् २०२२- कुकुरले नाकबाट देख्ने दाबी
सन् २०२२ मा आजकै दिन प्रकाशित एक रिपोर्टले कुकुरले आफ्नो नाकबाट देख्ने दाबी गरेको थियो। कुनै पनि जीवको घ्राण बल्ब र मस्तिष्कको पछाडिको भागबीच सम्बन्ध रहेको दाबी गरिएको त्यो पहिलो शोध थियो।
– सन् २०२३- उत्तरी भारतमा बाढी पहिरोबाट मारिए २०
सन् २०२३ मा आजकै दिन भारतको उत्तरी राज्यहरू हिमाचल र उत्तराखण्डमा बाढी र पहिरोमा परी २० जना मारिएका थिए। बाढी र पहिरोका कारण ७०० भन्दा बढी सडकहरू अवरुद्ध भएका थिए।
– सन् २०२५- मार्गारिटाको विश्व रेकर्ड
सन् २०२५ मा आजकै दिन मेक्सिकोको टिजुआनामा हालसम्मकै ठूलो मार्गारिटा बनाएर विश्व रेकर्ड कायम भएको थियो। ३४ हजार ४१९ लिटरको उक्त मार्गारिटा ९ हजार ९३ वटा ग्यालेनमा भरिएको थियो। त्यसलाई गिनिज बुक अफ वर्ल्ड रेकर्डमा समावेश गरिएको थियो।