चितवन । जिल्लाको भरतपुर महानगरपालिकाको पछिल्लो मत परिणाम सार्वजनिक भएको छ । जसअनुसार माअ‍ोवादी केन्द्रकी उम्मेदवार रेनु दाहाल अगाडि रहेकी छन् ।

सार्वजनिक मत परिणामअनुसार सत्ता गठबन्धनकी उम्मेदवार रेनु दाहाल २७ हजार ५२३ मतका साथ अग्र स्थानमा रहेकी छन् । उनी नेकपा एमालेकी उम्मेदवार विजय सुवेदीभन्दा ५ हजार १६३ मतले अगाडि रहेकी छन् । सुवेदीले २२ हजार ३६० मत पाएका छन् ।

यस्तै, नेपाली कांग्रेसबाट स्वतन्त्र उम्मेदवार दिएका जगन्नाथ पौडेलले ९ हजार ६०२ मत पाएका छन् । उनले कांग्रेसबाट असन्तुष्टि जनाउँदै उम्मेदवारी दिएका थिए ।

यसैगरी, उपमेयरमा कांग्रेसका उम्मेदवार चित्रसेन अधिकारी २९ हजार ६५७ मतसहित पहिलो स्थानमा हुँदा राप्रपाकी उम्मेदवार हिमला गुरुङले १७ हजार ३९३ मत पाएकी छन् ।